Sunday, July 27, 2014

The Hurt Locker (2008)


 The Hurt Locker (2008)

၂၀၀၈ ခုနှစ် အော်စကာဆုပေးပွဲမှာ ကမ္ဘာကျော် AVATOR ဇာတ်ကားကို ကျော်လွန်ပြီး ဒါရိုက်တာဆုကို ရသွားတာကတော့ Hurt Locker ဆိုတဲ့ဇာတ်ကားပါ.. ထူးခြားမှု့ အဖြစ် AVATOR ရဲ့ဒါရိုက်တာက ဂျိမ်းကင်မရွန်ဖြစ်ပြီး Hurt Locker ရဲ့ဒါရိုက်တာကတော့ ကက်သရင်းဘီဂျလို ဖြစ်ကာ သူတို့နှစ်ယောက်လုံးဟာ မကြာသေးခင်ကပဲ ကွာရှင်းထားကြတာပါ..

ဒီဇာတ်ကားရဲ့ နောက်ကွယ်က အကြောင်းအရာတွေက စိတ်ဝင်စားစရာ ကောင်းနေပါတယ်.. ကက်သရင်းဟာ ဂျိမ်းကင်မရွန်းနဲ့ ကွဲကွာပြီးတဲ့နောက် အထီးကျန်ဝေဒနာကို မခံစားနိုင်တာနဲ့ စိတ်ပြေလက်ပျောက် ကမ္ဘာ့အနှံ့ ခရီးထွက်ခဲ့ပါတယ်.. ဒီလိုနဲ့ အီရတ်နိုင်ငံကိုလဲ ရောက်ရှိခဲ့ပါတယ်.. တိုက်ပွဲနေရာတွေအထိ သွားခဲ့ကာ စစ်မြေပြင်မှာ အသက်နဲ့ရင်းပြီး တာဝန်ထမ်းဆောင်နေကြတဲ့ စစ်သားတွေရဲ့ ဘဝကို အနီးကပ်လေ့လာရင်း သူခံစားနေရတဲ့ ဘဝကို ကိုယ်ချင်းစာမိကာ ဒီဇာတ်ကား ရိုက်ကူးဖို့ စိတ်ကူး ပေါ်လာခဲ့တာပါ..

အမျိုးသမီးတစ်ယောက် ရိုက်ထားပေမဲ့ ဒီစစ်ဇာတ်ကားဟာ သဘာဝနဲ့ အနီးစပ်ဆုံးတူညီပြီး ယခင်မြင်နေကျမဟုတ်တဲ့ ရသအသစ်ကို ပေးပါတယ်.. တေးဂီတအနေနဲ့လဲ ဇာတ်ကားအစနဲ့ အဆုံး နှစ်ခန်းမှာပဲ ပါဝင်ပါတယ်.. ကင်မရာကိုလဲ ရှေ့တန်းစစ်မြေပြင်မှာ သတင်းယူတဲ့ ပုံစံမျိုး လှုပ်ရှားမှု့ တွေနဲ့ ရိုက်ကူးထားပါတယ်.. ပါဝင်သရုပ်ဆောင်တဲ့ သူတွေကလဲ ပီပီပြင်ပြင် သရုပ်ဆောင်ထားနိုင်သလို စကားလုံးတွေကိုလဲ အပြင်မှာ ပြောဆိုနေကြ ပုံစံမျိုးပဲ ပြောစေလို့ တကယ့်ဖြစ်ရပ်မှန်အလား ထင်မိစေပါတယ်..

ဇာတ်လမ်းအကျဉ်းကတော့ အီရတ်ရှေ့တန်းစစ်မြေပြင်မှာ တာဝန်ထမ်းဆောင်နေတဲ့ ဗုံးရှင်းလင်းရေး ကျွမ်းကျင်သူ ဆာဂျင်ဂျိမ်းမ်ရဲ့ အကြောင်းကိုပဲ ရိုက်ကူးထားတာပါ.. အသက်အန္တရာယ် များလှပေမဲ့ မကြောက်မရွံ့  သူဘာလို့ တာဝန်ထမ်းဆောင်နိုင်သလဲ.... မပြေလည်တဲ့ အိမ်ထောင်ရေးနဲ့ အထီးကျန်ဆန်မှု့ တွေက သူ့ကိုရဲရင့်စေခဲ့သလို ဘာကိုမှ အမှု့ မထားစေတော့ပါဘူး.. ဒီဘဝမှာပဲ သူအသားကျနေပြီး ပျော်နေနိုင်အောင် ကျန်တဲ့အရာတွေက သူ့ကို ဥပက္ခာပြုခဲ့ကြတာပါ..

ဇာတ်ကားအစအဆုံး လှုပ်ရှားမှု့ တွေနဲ့ စိတ်ဝင်စားအောင် ရိုက်ပြထားပေမဲ့ ဒါရိုက်တာ ပေးချင်တဲ့ရသကတော့ အထီးကျန်ဆန်မှု့ တစ်ခုကိုပါ.. ဒီဇာတ်ကား ရိုက်ကူးမှု့ ဟာ ဒေါ်လာ ၁၅ သန်းခန့်ပဲ ကုန်ကျခဲ့ပေမဲ့ ယခုချိန်ထိ ဒေါ်လာသန်းရာနဲ့ချီပြီး ဝင်ခဲ့ပါပြီ.. အော်စကာဆုရပြီးနောက်ပိုင်း ကက်သရင်းနဲ့ အင်တာဗျူးများကို ဖတ်မိကြပြီး လူတွေစိတ်ဝင်တစားနဲ့ ကြည့်ရင်း ပိုပြီး နာမည်ကျော်လာခဲ့တာပါ..

ဇာတ်ကားရဲ့ Theme Plot လေးကို ကက်သရင်းကိုယ်တိုင် ရေးသားပြီး သူ့ နှလုံးသားနဲ့ ရင်းနှီးပြီး ထွက်လာတဲ့ စကားလုံးတွေပါတဲ့.. ဒီစကားလုံးတွေကို ဇာတ်သိမ်းပိုင်း အခန်းရဲ့ ရှေ့မှာ စစ်ပြန်ဆာဂျင်ဂျိမ်းက လသားအရွယ် သူ့သားငယ်လေးကို ပွေ့ချီထွေးပွေ့ရင်း ပြောစေခဲ့တာပါ..

`` အခုချိန်မှာတော့ သားမှာ ချစ်စရာတွေ.. ပျော်ရွှင်စရာတွေ အပြည့်နဲ့ပေါ့လေ.. ချစ်ရတဲ့ အဖေအမေရှိမယ်.. ဆွေမျိုးမောင်နှမတွေရှိမယ်.. သူငယ်ချင်းတွေ ရှိမယ်.. ဆော့စရာ အရုပ်လေးတွေ ရှိမယ်.. ဒါပေမဲ့ သားရယ်.. ဒီအရာတွေက သားကြီးပြင်းလာတာနဲ့ အမျှ သားဘဝကနေ တစ်ခုချင်း ထွက်ခွာသွားလိမ့်မယ်.. နောက်ဆုံးမှာ တစ်ခုပဲ ကျန်ခဲ့တော့မယ်လေ...... ´´

မိတ်ဆွေတို့လဲ မကြည့်ရသေးရင် ကြည့်ကြည့်ပေါ့ဗျာ.. ကြည့် ပြီးသူများလဲ ဒီပို့စ်လေးကို ဖတ်ပြီး ပြန်ကြည့်ကြည့်ပါ.. ဇာတ်ကားဆုံးသွားတဲ့ အချိန်မှာ ကက်သရင်းရဲ့ ခံစားမှု့ မျိုးကို ခံစားမိပါလိမ့်မယ်.. မိတ်ဆွေတို့ ဘဝထဲမှာကော ချစ်ရသူတွေ ဘယ်နှစ်ယောက် စွန့်ခွာသွားပြီလဲ.....?

စာညွန်းကို..ဒီကနေ မှ ယူပါတယ်.. ဖုန်းသမားတွေကတော့ အောက်က Download ကနေ
 ဒေါင်းယူနိုင်ပါတယ်..Firedrive မှာ တင်တဲ့ Movies တွေကို download နည်းနှင့်
တိုက်ရိုက်ကြည့် တဲ့ နည်းလမ်းကို ဒီမှာ ကြည့်ပါ.


http://www.firedrive.com/file/C9C67F3C1898026B



ဖုန်းသမားတွေအတွက် အခုဆိုရင် အလွယ်ကြည့်နိုင်နေပါပြီ..
အောက်မှာ ပုံတွေနဲ့ ပြထားပါတယ်..
 





 
ပုံမှပြထားအတိုင်း MX Player နဲ့ တိုက်ရိုက်ကြည့်နိုင်ပါတယ်..
xxxxxxx
PC သမားတွေ ကတော့ အောက်မှာ တိုက်ရိုက်ကြည့်နိုင်ပါတယ်..  
  လွယ်လွယ်ကူကူ ဒေါင်းယူချင်ရင်တော့ IDM လေးသာ စက်ထဲ ထည့်ထားပေါ့နော် 

ကြည့်ဖို့ အတွက် ပုံမှာ ပြထားတယ်နော်.. 

 
  .
 အဆင်မပြေတာ ရှိရင် စာရေးထားခဲ့ပါ..  
အလည် ရောက်ခဲ့ရင် ကျနော့် ရဲ့ ချမ်းငြိမ်း-မှော်ဝန်း Pages လေးကို    
  Like ကလေးတချက်နှိပ်ပြီး အားပေးခဲ့ပါအုန်း.
ကျနော့်ကို ကူညီတဲ့ အနေနဲ့ ကြော်ငြာလေးတွေမှာ 
ကလစ်တချက်လောက် နှိပ်ပေးခဲ့ကြပါ..


 
Reactions:

0 comments:

Post a Comment